سياسة الخصوصية

شكون كيعالج المعطيات ديالك

جودا شوب، المتجر الإلكتروني ديال المحل اللي ف رقم 270، شارع الشيخ أحمد الهيبة، 25000 خريبكة، المغرب. التواصل: contact@jouda.ma ولا واتساب 06 66 09 17 60.

شنو كناخدو

ملي كتكوموندي: السمية، رقم التيليفون (ورقم ثاني إلى عطيتيه)، المدينة، عنوان التوصيل، والملاحظة إلى كتبتيها.

إلى درتي حساب: الإيميل وكلمة السر (كتتسجل مشفرة).

فاش كتزور السيت: الصفحات اللي شفتي والمنتوجات اللي زدتي للسلة، كيحسبها البيكسل ديال الإشهار ديال تيكتوك.

ما كنطلبو حتى كارطة بنكية: الخلاص كاش عند الاستلام.

علاش

باش نأكدو معاك الطلبية بالتيليفون، نوجدوها، نوصلوها، ونتواصلو معاك إلى كان شي مشكل.

باش نديرو الحسابات (المبيعات المؤكدة كتتسجل فالبرنامج ديال التسيير ديالنا).

باش نعرفو واش الإشهار ديالنا خدام.

مع من كتتشارك

شركة التوصيل كتاخد السمية، التيليفون، المدينة والعنوان، غير باش توصل الكولي.

الفريق ديالنا كيوصلو تنبيه ديال الطلبية الجديدة على ميساجري داخلية باش يعيط ليك بالزربة.

تيكتوك كتوصلها أحداث الزيارة، وملي كتكوموندي رقم التيليفون والسمية مشفرين (SHA-256)، عمرهم ما كيتصيفطو واضحين.

المعطيات ديالك عمرها ما كتتباع.

فين وشحال من وقت

السيت والمعطيات ديالو مخزنين فالسيرفور ديالنا (VPS عند Hostinger).

كنحتافظو بمعطيات الطلبية الوقت اللازم لتتبعها، للخدمة بعد البيع، وللواجبات المحاسبية.

الحقوق ديالك

تقدر تطلب تشوف، تصحح ولا تمسح المعطيات ديالك، وتعارض استعمالها فالإشهار: كتب ل contact@jouda.ma ولا ف واتساب 06 66 09 17 60.

وتقدر تتوجه حتى للجنة الوطنية لمراقبة حماية المعطيات ذات الطابع الشخصي (CNDP).